BUTUAN CITY – Mas nidaghan pa ang pamilyang Pilipino nga gi-isip ang ilahang kaugalingon nga kabus niadtung bulan sa Septembre, kini base na usab sa bag-ong resulta sa gihimong survey sa social weather station kon SWS.
Base sa maong survey gikan sa Septembre 14 nadto sa 23, natala matud pa ang 59% kon bugti sa 16.3 million ka mga pamilyang Pilipino ang nagtaho nga sila kabus. Nadugangan matud pa kini og 300-mil gikan sa 58% kon 16 milliones ka mga pamilya nga nataho nga sila kabus niadtung bulan sa Hunyo.
Sumala sa maong survey, anaa sa Metro Manila ang nag-isip s ailahang kaugalingon isip kabus, samtang ning kunhod usab ang mga pamilyang nag isip sa ilahang kaugalingon nga kabus sa Visayas ug Mindanao.
Ning-gawas usab sa maong pagtuon nga anaa sa 9.1% sa mga pamilyang Pilipino ang Newly Poor kon kadtung mga pamilya nga wala giisip ang ilahang kaugalingon sukad niadtung usa ngadto sa upat ka tuig. Samtang, 2.3 million ka mga Pamilyang Pilipino usab ang Usually Poor, ingon man 11.5 million usab ang gitawag ang ilahang kaugalingon isip Always Poor.
