BUTUAN CITY – Gipahugtan na sa Philippine National Police (PNP) ang seguridad sa lungsod sa Shariff Aguak, Maguindanao del Sur, nunot sa kagubot nga nahitabo sa katapusang filing day sa Certificate of Candidacy kon alang sa mga gustong magpapili sa 2025 midterm election.
Sigon ni PNP spkesperson PBGeneral Jean Fajardo, patay ang usa ka community watchman ug angul usab ang unom sa maong komosyon. Nagsugod ang kasamok human wala aprobahi sa Commission on Elections ang kandidatura sa pagka bise mayor sa usa ka partido human nasayrang duna kini warrant of arrest.
Human na-verify sa mga kapulisan ang identity nini, gi-serve gilayon nila ang nasangpit nga standing warrant, apan gipugos pa niini ang pagsang-at sa iyang kandidatura. Kahibaloan nga nanghasi matud pa ang supporters sa nasangpir nga kandidato kansa dali ra usab nga gitubag sa mga miyembro sa Shariff Aguak Municipal Police, Police Regional Office-Bangsamoro Autonomous Region, ug uban pang mga local security forces.
Nunot sa maong kagubot, gidugangan pa sa PNP ang mga personahe sa pipila ka mga posibleng flashpoint area sa tibuok Shariff Aguak.
Ang pamahayag ni PBGeneral Jean Fajardo, ang tigpamaba sa Philippine National Police.
