BUTUAN CITY – Nahimong Top Performer ang Department of Labor and Employment (DOLE) Caraga Region sa gipahigayon nga nationwide implementation of the Labor Inspection Program for 2023.
Nasakmit sa maong buhatan ang First Place sa Category C sa Labor Inspection Summit, usa ka prestihiyusong panagtapok sa nasangpit nga ahensysa kansa nag highlight sa kamaayo sa labor standards sa nasod.
Nag-unang rason sa kalampusan sa DOLE Caraga mao ang outstanding performance niini General Labor Standards (GLS) ingon man sa Occupational Safety and Health Standards (OSHS).
Girekognisa ang rehisyon alang sa epektibong pagpatuman nini, ilabi na sa execution ug satisfaction sa mga labor standards ingon man sa mga orders ug resolutions, dili lang niadtung tuig 2023, kundili lakip na usab niadtung 2018 ngadto na sa 2022.
Lakip sa na highlight sa kalampusan sa DOLE Caraga mao ang strategic focus niini sa mga priority sectors nga nakalatid sa Regional Strategic Compliance Plan ingon man ang epektibong emplimentasyon niini sa Technical Assistance Visits (TAV) program.
Gawas sa mga plaque, nadawat usab sa rehisyon sa Caraga ang 2-million pesos nga program funds alang sa kalambuan pa sa mga mamumuo sa rehiyon.
