BUTUAN CITY – Pormal nang nagduso sa iyang Certificate of Candidacy si kanhi Presidente Rodrigo Roa Duterte karong adlawa aron magpapili pagka-mayor sa Davao City.
Ka-tandem sa kanhi presidente ang anak niini nga si Baste isip iyang Bise Mayor. Kahinumduman nga gipaboran sa kanhi presidente ang sugyot sa media kaniya niadtung Sabado nga public clamour matud pa, nga padaganon siya isip mayor.
Una nang ginegar sa kanhi presidente ang mga hungihong nga mudagan siya pagka-senador tungod kay dili na matud pa kaya sa iyang pangidaron.
Kauban sa kanhi presidente pag-file sa iyang certificate of candidacy ang anak niining si incumbent Davao City Mayor Sebastian ‘Baste’ Duterte, ang asawa sa kanhi pangulo nga si Honeylet Avanceña ug ang iyahang apo nga si Omar Duterte, ang anak ni Congressman Paolo ‘Pulong’ Duterte.
Gikalipay ni Baste ang subling pagdagan sa iyang amahan aron serbisyuhan ang ilang siyudad kansa maoy na-andan sa katawhan tungod kay pamatuod matud pa nga duna pa kini ikabuga.
Ang pamahayag ni Baste Duterte, ang kasamtangang Mayor sa Davao.
