BUTUAN CITY – Gikumpirma ni Butuan City Police officer-in-charge PCol. Rommel Villamor, nga na-AWOL na kon absence without official leave ang nadakpang si Patrolman Michael Montalban Salgarino kinsa nadestino sa 1st Provincial Mobile Force Company.
Sigon sa opisyal, nabalik lang kini sa serbisyo human mihangyo ang mga ginikanan niini sa rason nga siya ang breadwinner sa ilang pamilya. Kini ang hinungdan nga wala siya’y dala nga service firearm atol sa gihimong drug buy-bust operation tungod kay wala pa mahuman ang proseso alang sa pagbalik sa iyang service firearms.
Ang gihimo ni Patrolman Salgarino duna’y bugti nga silot depende sa ilang mga ebidensya nga posible pang ika-dismiss matud pa niya sa katungdanan ilabina nga gihisgutan karon sa ilang liderato ang internal cleansing.
Si Butuan City Police officer-in-charge PCol. Rommel Villamor. Nasayrang gidalikyatan na sa Bombo patrol team ang Butuan City Police Station 4 aron makuhaan siya sa iyang panig apan mibalibad kini pag-atubang sa rason nga planted matud pa ang mga nakuhang ebidensya gikan sa crime scene.
