BUTUAN CITY- Posibleng babagan sa Department of Justice ang plano ni dismissed Bamban, Tarlac Mayor Alice nga magduso og Certificate of Candidacy alang sa subling pagdagan niya sa ilang lungsod.
Sigon ni Justice Secretary Jesus Crispin Remulla, kinahanglan nilang babagan ang plano ni Guo aron dili mabutang sa delikado ang sitwasyon sa nasud ilabina nga kusog matud pa ang ebidensya nga spy kini sa China.
Una nang gikumpirma sa kampo ni Alice Guo pinaagi sa iyang abogado nga si Atty. Stephen David nga mag-file kini og certificate of candidacy sunod semana ilabina nga wala pa’y pinal nga desisyon ang korte sa citizenship sa iyang kliyente rason nga pwede pa kining mukandidato.
Nagtuo si Remulla nga wala na’y katungod si Alice Guo nga hinugsgan ang iyang re-election bid. Apn giklaro usab sa Commission on Elections nga wala sila’y kagahon aron kanselahon ang COC ni Guo ilabina nga dili pa kini convicted sa iyang gil-atubang nga mga kaso.
