BUTUAN CITY – Gikatakdang moabot sa Pilipinas ang Presidente sa Republic of Korea nga si Yoon Suk Yeol alang sa State Visit niini karong October 6 hangtud 7.
Sugaton kini sa palasyo Malakanyang uban sila si Presidnete Marcos ug First Lady Liza Araneta – Marcos.
Maka-uban ni President Yoon ang asawa usab niining si First Lady KIM Keon Hee alang sa himoong seremonya sa palasyo karong Lunes. Ang nasangpit nga pagbisita ni Yoon sa Pilipinas, dungan sa ika 75- nga anibersaryo sa diplomatic ties South Korea ug Pilipinas.
Sumala sa Presidential Communications Office (PCO) dunay mahitabo nga bilateral meeting ang duha ka lider arun hisgutan ang areas of mutual interest sama sa kooperasyon sa political, security and defense, maritime, economic and development fields, people-to-people ties, ingon man sa labor ug consular matters.
Gilauman usab nga magbinayluay sa panglantaw ang duha ka presidente mahitungod sa regional ug international issues. Kani na ang pinaka-unang bilateral visit sa presidente sa Republic of Korea sa Pilipinas sukad pa niadtung tuig 2011.
