BUTUAN CITY – Zero ang nahimong turnout sa mga mag file sa ilahang Certificate of Candidacy kagahapong adalwa sa buhatan sa Commission on Election kon COMELEC sa probinsya sa Agusan del Norte.
Sumala ni Atty. April Joy Balano, ang Election Supervisor sa Agusan del Norte nga bugtong ang mga nag-file pa lamang ning nakalabayng adlaw sa ilahang tagsa-tagsa ka mga munisipyo ang natala sa ilahang buhata.
Saysay sa opisyal nga taliwala pa man sa kamingaw sa turnout, wala gihapon sila nagpakampante sanglit mamahimo man nga modaghan ang mga mag file sa ilahang kandidatura matag karon ug unya. Alayon niini, gilaumnan usab nga anaa pa sa mga hinapos nga adlaw sa filing managhan ang mga mag-atiman na unya sa ilahang Certificate of Candidacy.
Subay niini, wala usay angay nga kabalak-an ang mga aspirants nga magfile sa ilahang kandidatura sanglit gipaniguro man gayud sa COMELEC ang ilahang kaluwasan sa mga niini pinaago sa pakig timbayayung sa mga kapulisan.
Ang pamahayag ni Atty. April Joy Balano, ang Election Supervisor sa Agusan del Norte.
Samtang, lakip usab ang dakbayan sa Butuan ang nakatala og sa Zero turnout sa mga nag file sa ilang kandidatura kagahapong adlawa, kini ang gikataho ni Atty.Tristan Niog, ang Election Officer sa Dakbayan sa Butuan.
Apan gawas pa man niini, padayon gihapon ang pahimangno sa maong opisyal nga wala nay extension ang maong nasangpit nga filing sa Certificate of Candidacy kansa tak-opan na karong Oktubre 8 ning bulana. Dugang sa maong opisyal nga kanunay gihapong andam ang ilahang buhatan sa pagdawat sa mga aspirants bisan unsang adlawa sa taman sa gikatakdang petsa.
Gisaad usab sa maong opisyal nga wala ray 15 minutos ang kinatibuk-ang proseso sa pag file sa Certificate of Candidacy ilabi na kon kompleto ang tanan nilang gipangayo nga rekisitos og sa na fill out-an na ang tanan nga kinahanglang sulatan.
Ang pamahayag ni Atty.Tristan Niog, ang Election Officer sa Dakbayan sa Butuan.
