BUTUAN CITY- Gikabutyag sa abogado ni dismissed Bamban Tarlac Mayor Alice Guo na si Atty. Nicole Jamilia nga gihunahuna pa sa kanhing Mayora kung mag file ba kini og kandidatura alang sa 2025 National and Local elections.
Sumala ni Atty. Jamilia, gikunsidera matud pa ni Guo kung unsaon niini paghaon og Certificate of Candidacy para sa susunod nga eleksyon karong anaa pa kini naka detene. Gawas niini, gikonsidera usab ni Guo ang mga nabiyaan niyang “unresolved issues” sa Bamban, Tarlac.
Samtang, sumala usab ni Bureau of Jail Management and Penology spokesperson, Supt. Jayrex Bustinera, igawas gauyd nila si Guo ug siguraduhong luwas kini panahon nga maka desisyon kini nga modagan pagka Mayor, ug kon duna man ganing ipagawas nga court order.
Una nang gikataho ni Comelec Chairman George Erwin Garcia nga base sa balaod, mamahimo pa gihapon nga makahaun si Guo sa iyahang COC.
Sa kasamtangan, anaa pa karon si Guo naka detain sa Pasig City Jail sa kustodiya sa Bureau of Jail Management and Penology kon BJMP.
