BUTUAN CITY – Nakurat si dismissed Bamban Tarlac Mayor Alice Guo dihang una niining nasaksihan ang selda nga iyang kahimutangan sa Pasig City Jail Female Dormitory, kini an ggikataho sa Bureau of Jail Management ang Penology (BJMP).
Sumala ni Jsupt. Jayrex Bustinera, spokesperson sa BJMP, gawas niini, wala na silay lain pang nakuha nga ubang negatibong report mahitungod sa pag abot ni Guo sa maong bilanguan . Sumala pa ni Bustinera, nga ang selda kay duna lamay sukod nga 45 square meters ug dingding nga puros rehas ingon man duna usab kini 10 ka triple deck sa sulod diin ang pwesto ni Guo kay naa sa 2nd level u gduna usab kini katapad nga lima o unom ka mga pineriso.
Sigon ni Bustinera, maghuot usab matud pa sila Guo kauban sa mga pinireso kung matulog. Dugang sa opisyal nga simpleng plywood lamang nga giputos sa linoleum ang higdaan sa kanhing Mayor sulod sa maong pasilidad. Layo ra matud pa kini sa detention room niini sa kustudiya sa Philippine National Police (PNP) diin duna kini kaugalingon nga kwarto ug pansayan, ug duna usab kini katre nga dunay foam.
Sigon usab ni Bustinera, magpabilin si Guo sa Pasig city jail female dormitory hangtud walay court order nga ibalik kini sa kustudiya sa PNP. Kahinumduman nga sa unang adlaw ni Guo sa BJMP, kumpiskado kumpiskado matud pa ang mga kagamitan niini tungod kay bugtong mga dalag lamang nga mga sinina ang gitugutan nga makasulod sa maong nasnagpit nga bilanguan, lakip na usab ang hygiene kits ug jogging pants.
