BUTUAN CITY- Malampusong nadepensahan ni Melvin Jerusalem ang iyang World Boxing Council minimumweight belt human niini giparot ang kalabang Mexicano nga si Luis Castillo sa ilang away karong gabhiona sa Mandaluyong City College Gymnasium.
Gipatilaw sa Pinoy boxer si Castillo sa lasa sa pinaka-unang kapildihan sa iyang karera, atubangan mismo sa mga Filipino fans sa “Blow-By-Blow” show ni boxing icon Manny Pacquiao. Nahimong unanimous ang desisyon sa mga sa judges human nga ning-iskor ang duha kanila og 120-107, samtang ang usa ang mihatag usab og iskor nga 118-109 – tanan pabor sa Pinoy boxer.
Dominado ni Melvin ang dula, human sa straight right job nga natagamtaman sa Mexicano sa unang round pa lamang rason nga na knock down kini nga gisagunsunan sa iyang nagpungasing kinomo.
