BUTUAN CITY- Gipanawagan sa Kilusang Magbubukid ng Pilipinas (KMP) sa Malacanang ang pagkansela sa Executive Order No. 62, kansa nagpakunhod sa taripa sa imported rice gikan sa 35% ngadto sa 15%.
Kini tungod kay pabilin gihapong taas ang presyo sa bugas, ilabina nga gi-angkon sa Department of Agriculture nga sa sunod pa tuig mabati ang ubos nga presyo niini. Sumala ni KMP Chairperson Danilo Ramos, imbes ang mga rice exporting countries sama sa Vietnam ug Thailand ang makabenepisyo sa kita, kinahanglan kanselahon sa gobyerno ang EO 62 ug pokusan ang paghatag og sabsidiya sa mga mag-uuma arun moubos ang presyo sa bugas.
Gituohan sa KMP nga ang pagsaka sa presyo sa bugas sa nasod, gumikan sa mga nasinatiang bagyo, kansa nakaapekto sa 870 ektaryang basakan sa Albay, Camarines Sur, ingon man sa Sorsogon ug sa Bicol Region.
Ang pamahayag ni Danilo Ramos.
