BUTUAN CITY – Kinahanglan nga i-normalize nalang ang HIV testing og dili i-discriminate kadtong mo bisita sa mga tetsing center para magpatest alang sa maong sakit. Kini ang gikataho ni Anton Torralba, Regional Program Officer sa Sustained Health Initiatives of the Philippines kon SHIP nga kinahanglang dili mahadlok ang tanan nga magpa test sa HIV arun masayran gilayon kon positibo ba o dili sa nasangit nga virus.
Kini alayon na usab sa awhag sa pangamhanan, ilabi na sa Department of Health ngadto sa mga sexually active nga mga indibidwal nga magpa test gayud arun nga mamahimo pang maluwas ang kinabuhi ugaling positibo man sa HIV. Pag awhag pa ni Torralba sa mga sexually active, ilabi na kadtung mga nakighilawas sa mga dili nila kaila, nga dili maulaw sa pag-duol sa pinaka dool nga Rural Health Unit tungod kay dili man sila e diskrimina sa maong dapit.
Kahibaloang pabiling nag-una ang dakbayan sa Butuan nga dunay pinakadaghang kaso sa Human Immunodeficiency Virus kon HIV sa tibuok Caraga Region human ningsaka ngadto sa 442 ang mga kaso niini sulod lang sa usa ka bulan sukad sa 420 nga natalang kaso niadtung Mayo.
Sumala sa opisyal nga makita matud pa ang treatment facility sa upat ka probinsya sa Caraga, partikular na sa Butuan Medical Center alang sa dakbayan sa Butuan ingon man sa Agusan del Norte; Caraga Regional Hospital sa Surigao; anaa usab ang Abdela Sierra Ty Memorial Medical Center sa Surigao Del Sur; lakip na usab ang duha sa Agusan del Sur nga mao ang DO Plaza Memorial Hospital ingon man ang Valintina Galido Plaza Memorial Hospital sa Bunawan.
Ang pag awhag ni Anton Torralba.
