BUTUAN CITY – Naka ditene na sa Kitcharao Municipal Police Station ang tulo ka mga responsable sa pagpanulis sa usa ka kan-anan sa nasangpit nga munisipalidad niadtung sabado sa buntag.
Sumala ni PCAPT. Allan Roy Villegas, Hepe sa Kitcharao Municipal Police Station nga ning adlawa lang, napasaka na sa kapulisan ang kasong kasong robbery with homicide batok sa tulo ka mga suspetsado sa piskalya. Dugang niini nga nag submitar usab og waiver ang tulo alang sa temporaryong pag kustudiya sulod sa 15 diyas alang lamang sa pag counter sa kaso nga gipasaka kanila.
Madumdumang gipusil-patay sa mga suspetsado si Ginalyn Apolinario samtang angol usab ang iyang anak nga si Evangeline Apolinario ug ang tag-iya sa tindahan nga si Brgy. Kapitan Salvador Junio.
Sigon ni Capt. Villegas nga daan nang dunay kaso ang tulo sa Surigao del Norte, rason nga dali rang nasikop ang maong mga person of interest.
Kahibaloan nga na-abtan sa mga kapulisan ang tulo ka nga nag-videoke pa sulod sa ilahang panimalay ug wala pa gihubo sa usa sa mga suspek ang iyang jacket nga maoy naklaro sa footage kansa nagkadugo pa, rason nga dali silang gisikop.
