BUTUAN CITY – Gianunsyo sa Health Advocate ug 2022 Vice Presidential candidate Doc. Willie Ong nga nag antos kini og cancer ug kasamtangan nga nagpailalum sa treatment.
Sumala sa nasnagpit nga doktor sa video nga gipagawas kagahapong adlawa, ug kuha niadtung Agusto 29, duna matud pa kini 16x13x12 cm sarcoma sa iyahang abdomen.
Sigon niini nga kini na ang pinaka kasakit nga nga iyahang nasinatian sa kinabuhi diin daw guluba-luba matud pa ang likod niini, hinungdan nga dili usab siya maka tulog.
Nakita matud pa ang maong tumor sa likod lang sa iyahang kasing-kasing, dapit usab sa T10 spine niini. Rason nga apektado niini ang iyahang esophagus, inferior vena cava, ingon man right atrium.
Sumala usab sa maong doktor nga usa sa naka padugang sa iyahang gibati ang mga nadawat niining bashing sa social media, kansa ning resulta matud pa sa stress.
