BUTUAN CITY – Nagmabungahon ang gihimong Media Launching sa ipahigayon nga Balangay Independent Film and Theater Festival ning adlawa, Septembre 13, pinaagi sa pagpanguna sa City Executive Management Department Public Information Division sa City Government of Butuan.
Kahibaloang parte ang maong kalihukan sa kompetisyon alang sa mga local creatives ning dakbayan, kansa gipunduhan sa Department of Trade and Industry ingon man sa Butuan City LGU, pinaagi ni Butuan City Mayor Ronie Vicente Lagnada og mokabat sa 2-milliones Pesos.
Tumong sa maong Independent Film and Theater Fetival ang mapalambo pa ang local arts scenes sa syudad. Nakapokus usb kini sa pagyagyag sa kasysayan ning syudad ilabina sa maritime heritage pinaagi sa Film Making, ingon man sa mga Theater Performances.
Sumala ni Information System Analyst ug project proponent sa maong Festival nga si Junluo Tordos, gihimo ang nasangpit nga media launch alang sa kasayuran sa publiko, ingon man sa tanang mga media entities ning dakbayan alang sa nasangpit nga proyekto.
Ang pamahayag ni Junluo Tordos, project proponent sa Balangay Independent Film and Theater Festival.
Sayrang subay sa paningkamot sa Butuan City government nga mahimong key center for creativity sa Caraga Region and dakbayan, ug alang na usab sa pagpakita sa lokal nga kultura sa syudad, namugna ang Balangay Independent Film and Theater Festival. Lauman nga dili lang ipakita sa maong festival ang mga films ingon man performances apan lakip na ang mga arte nga gama sa mga local artists ilabi na diha sa teatro nga nakapokus sa mga kompetisyon sama sa Kasambay Performing Arts Competition.
Subay sa maong programa, ipahigayun usab karong Oktubre ang Balangay film Lab, kansa nakapokus sa pagbansay sa kahitsas sa mga kabataang Butuanon, ilabi na niadtung mga Senior High School ug College students, sa natad sa pag-gama og mga maanindut nga film productions.
Gila-umang maka-inspire kini sa creativity sa mga local artists ug mapalig-on ang sa cultural identity sa Butuan.
