BUTUAN CITY – Ningsaka na ngadto sa kapin 300 ang kaso sa dengue sa dakbayan sa Cabadbaran, kini ang gikumperma sa tigpamaba sa maogn syudad nga si Roselyn Exaure, diin sumala niini nga gikan niadtung Enero ngadto na sa Agusto, natala ang taas nga kaso sa Dengue sa maong dakbayan kung itandi sa susamang panahon sa nakalabay nga tuig 2024.
Sumala sa maong tigpamaba nga nag-una matud pa sa maong mga kaso ang mga Barangay sa Calibunan, Tolosa, ingon man Barangay Mabini. Alayon niini, gihimo na sa lokal nga pangamhanan sa maong syudad ang mga interbensyon alang sa nasangpit nga sakit, diin naga misting na sa City Health Office sa kinatibuk-ang barangay.
Dugang niini nga duna usab silay himoon nga cleanup drive sa mga hugaw nga palibot, ingon man duna usay gimuntar nga mga treated mosquito net kontra sa mga lamok. Hangyo usab sa maong opisyal nga kinahanglang magpa hiling gilayon sa doktor ugaling pila na ka adlaw nga gihilantan sa ingon nga masayran gilayon kung dengue ba ang gibati, ug mmalikayan usab ang pagkakalas sa kinabuhi.
Ang pmahayag ni Roselyn Exaure, tigpamaba sa LGU Cabadbaran.
