BUTUAN CITY – Ihatag na karong September payroll sa mga magtutudlo ang dugang usbaw sa ilang suweldo, base sa Executive Order 64 nga gipirmahan ni Pangulong Ferdinand Marcos Jr. niadtong Agusto 2, 2024.
Atul sa budget hearing, gikabutyag ni Education Sec. Sonny Angara nga duna’y instruction ang Department of Budget and Management (DBM) nga pwedeng gamiton sa mga ahensya sa gobyerno ang ilang savings aron mahatag gilayon ang usbaw sa ilang suhulan kansa ilisan ra usab.
Sigon ni Department of Education kon DepEd Usec. Analyn Sevilla, tulo ka mga rehiyon na ang nagpatuman og salary differential, lima ka mga rehiyon usab ang nagpagawas na og partial payments samtang ang nabilin, giproseso na. Apil sa ilang madawat ang retroactive increase gikan sa buwan sa Enero hangtud Agosto ning tuiga.
