BUTUAN CITY – Aprubado na sa Sangguniang Panlalawigan (SP) sa Batangas kagahapong adlawa ang mosyon para sa deklarasyon sa pagpailawom sa tibook probinsya sa Batangas sa state of calamity tungod sa epekto sa African Swine Fever (ASF).
Sumala sa nahimong rekomendasyon sa Provincial Disaster Risk Reduction and Management Council (PDDRMC), gipaburan ang maong mosyon sa mga lokal nga opisyal.
Ang maong mosyon, naaprubahan ilalum sa pamunuan ni Batangas Governor Hermilando Mandanas isip chairperson, kini human nanaghan na ang mga baboy nga natpatan sa sakit nga ASF.
Sa Lobo, Batangas pa lang duna nay 12,000 ka mga baboy ang namatay tungod sa maong sakit kansa bugti kini sa kantidad nga P103 million.
Opisyal usab nga gipalig-on ang maong deklarasyon sa mga miyembro sa Sanguniang Panglungsod (SP), sa pagpanguna ni Vice Governor Mark Leviste isip presiding officer.
Tumong sa maong lakang nga magamit ang calamity fund sa paghatag og tabang sa mga apektadong sektor.
