BUTUAN CITY – Sikop ang usa ka babaye nga nailang si Kriszelle Ann Cabo tungod sa “pagpasikat” niini sa nahitabong sa Ironman Davao 70.3. Kahibaloang givideo pa sa babaye ang gihimo niining pag sabay-sabay sa bike course sa nasangpit nga kalihukan gamit usab ang motorsiklo niini.
Apan mapansin nga wala kini bisan unsang safety gears nga gisuot, ug klaro usab sa mga pulong nga giluwatan niini nga nagpagukod-gukod lang siya sa mga kapulisan.
Nadakpan ang maong babaye sa may Barangay Darong, Sta. Cruz, Davao del Sur.
Base sa video sa maong babaye, relax ra kaayo kining nagpadakop sa mga kapulisan diin sumala pa niini nga “f**k the f****ng matrix, that’s my goal here”.
Wala usab kini nag duha-duha sa pagtubag sa pulis dihang gipasabot kaniya ang iyahang kalapasan. Sigon niini nga “kabalo ba ka sir nga naa ra ta sa ‘Matrix’?”
Dihang gipangayoan usab kini og ID sa nagdakop kaniya, igo ra kining ning tubag nga “wala gani koy ID noh! wala koy ID, wala koy lisensya, wala koy tanan. Ayy, e add nalang ko sa Facebook sir!”
Atubangon sa maong babaye ang kasong paglapas sa Article 151 sa Revised Penal code kon ” Resistance and Disobedience to a Person in Authority or Agents of such Person “.
Ang gipasabot ni Ann nga ‘Matrix’ kay usa ka pilosopiya diin nag sugyot nga ang realidad sa katawhan kay usa lamang ka ilad, ug duna matud pay laing nilalang nga naghawid niini rason nga kinahanglan kining gub-on, supakaon, o buntugon.
