BUTUAN CITY- Migamit na ang mga otoridad sa China ug moderno nga pamaagi aron dili magduka ang mga drayber sa kalsada matag byahe niini sa gabie, rason nga malikay kini sa disgrasya.
Makita sa mga viedo nga nagtrending online ang mga laser installations nga mupakita ug lain laing kolor sa kawanangan kansa mamahimong makita s amga nagkalainlaing lugar.
Usa niini ang makita sa 1,600-km nga Qingdao–Yinchuan Expressway kansa maoy nag-unang dalan nga ginagamit sa mga dagkong sakyanan gikan sa capital city sa Ningxia padulong sa port city sa Qingdao.
Makita sa maong mga lasers ang kolor green ug blue nga hilabihan kataas ang siga kansa maoy mudan-ag ibabaw sa mga drivers. Apan daghan sa mga drivers ang nangreklamo halos makabuta naman hinoon ang kahayag sa maong mga laser.
Sumala usab sa uban nga desturbo lamang ang maong laser sa ilang pagmaniho, samtang uban nabalaka nga basin unya kon magka-epilepsy sila kay dili naman hinoon sila makatog tungod sa maong mga suga.
Sa kasmatangan, wala pay klaro kon ang maong mga lasers ba kay ipadayon paggamit ilabi na nga daghan naman hinoon ang nang reklamo og nangahadlok nga basin sila ma disgrasya.
