BUTUAN CITY – Gipaniguro sa Department of Health nga mamahimo pang mapalit sa mga kamerkadohan ingon man sa mga health centers ang doxycycline kansa maoy gamit sa pagtambal sa sakit nga leptospirosis, kini taliwala pa man sa pagsaka sa ihap sa mga pasyenteng nataptan sa maong bacterial infection human sa lapad nga pagbaha sa Luzon ning nakalabayng bulan.
Apan gawas niini, giklaro ni DOH spokesperson Assistant Secretary Albert Domingo, nga kinahanglan gihapong magpa-konsulta sa doktor ang mga pasyente adiser motumar sa maong tambal, ilabi na nga dili matud pa kini mamahimong tumaron sa mga mabdos, ingon man sa mga bata nga 12 anyos paubos.
Gawas pa sa maong mga lagda, naka dependa usab ang pagtumar sa maong tambal sa kinatibuk-ang kondisyon sa panglawas sa usa ka tawo.
Dugang sa maong ahensya nga available ug libre ang maong mga tambal sa mga public health centers.
Sumala usab sa opisyal nga, bisan pa ma’g kulang ang suplay sa doxycycline sa pipila ka mga rehiyon, duna gihapon kini tunga sa milyon nga mga capsules kansa gikatakdang e-release sa ahensya.
Alayon niini, gpaniguro sa DOH ang publiko nga kaya rang i-handle sa health system sa nasod ang nagkaanam na og taas nga kaso sa leptospirosis.
