BUTUAN CITY – “Feeling vindicated” ang tibook Commission on Election sa pagpanguna ni Commission On Election Chairperson George Erwin Garcia sa nahitabong pagduot sa South District sa Florida, United States of America kang kanhi Commission on Elections kon COMELEC chairperson Andy Bautista ug sa laing tulo ka mga opisyal sa Smartmatic nga sila si Smartmatic President Roger Alejandro Piñate Martinez, kanhi general manager sa Smartmatic Philippines Elie Moreno, ug ang lider sa Smartmatic sa Taiwan nga si Jose Miguez Vasquez.
Sumala ni COMELEC Chairperson Garcia atul sa pagbisita niini sa dakbayan sa Butuan kagahapong adlawa nga ang nasangpit nga desisyon sa US Department of Justice kon US-DOJ kay pamatuod lamang nga sakto ug dunay basehang legal ang ilang gihimong pagdisqualify sa kanhing provideo sa COMELEC og mga Vote Counting Machines nga Smartmetic.
Dugang sa opisyal nga wala sila matandog sa mga alegasyong duna matud pa siyay daghang mga bank accounts sa laing nasod tungos kay napamatud-an naman nga peke ang maong akusasyon, sumala sa opisyal nga dili na katuohan ang kapaspason sa pagdaghan sa mga pekeng accounts nga “kuno”, iyahang gipanag-iyahan.
Ang pamahayag ni COMELEC Chairperson Garcia. Kahibaloan nga gipasakaan og kaso sa US Department of Justice sila si Bautista, Piñate, Vasquez, ug Moreno og tagsa ka ihap sa conspiracy to commit money laundering ug tulo ka ihap sa international laundering of monetary instruments tungod matud pa sa bribery ug money laundering scheme aron mapabilin ug makakuha og negosyong duna’y kalambigitan sa 2016 elections.
