BUTUAN CITY – Gikumpirma ni Police Corporal Joseph Joy Rivas sa Cagwait Municipal Police Station nga duha ka tawo ang patay samtang usa ang nadala sa ospital human natabunan sa midahiling yuta kagahapon sa alas-dies sa buntag sa Sitio Kasurukan, Brgy. Poblacion kansa boundary sa Brgy. Tubo-Tubo sa ilang lungsod nga sakop sa lalawigan sa Surigao del Sur.
Sa pakighinabi ning sibyahan, gibutyag sa opisyal nga naghakot matud pa og yuta ang mga biktima aron itambak kondiin ang ilang gikuhaan, mao kadtong luna nga kinuhaan na usab og yuta.
Ang usa matud pa sa mga namatay nga si Bebe Bibang, 34-anyos, duna’y kapuyo,, na-igo sa dakong bato ang nawong samtang ang usa nga si Danny Boy Flores, dugay nga nakuha tungod sa lawom nga nahimutangan niini samtang ang usa, daling nakarekober nga si Raymund Piyon, 30-anyos, pulos residente sa Purok Ipil-ipil, Brgy. Tubo-tubo rason nga gidala gilayon sa ospital.
Dugang pa ni Corporal Rivas, gi-hire matud pa ni Piyon ang mga namatay aron maghakot og yuta dihang natigayon ang insidente. Giklaro pa niini nga napangpang na ang maong yuta tungod sa pagpunay og hakot sa mga residente niini.
Ang pagklaro ni Police Corporal Joseph Joy Rivas sa Cagwait Municipal Police Station.
