BUTUAN CITY – Hilabihan ang pagbasol sa usa ka anak human niya nalubaan ang iyang amahan bandang alas-tres sa hapon sa may Purok 3, Barangay Sta. Cruz, Placer, Surigao del Norte.
Naila ang suspek nga si Reymarc Hebertas, 22- anyos, dunay kapuyo og dunay usa ka anak samtang ang biktima mao si Ruel Hebertas, 50 anyos, biyudo ug parehong residente sa nasangpit nga lugar.
Saysay sa suspek, nag-inom niadtong higayona ang iyang amahan kauban ang iyang igsoon sulod sa ilang panimalay dihang nagkabikil rason nga nagmaoy ang iyang amahan rasong nakuratan ang iyang 4-months old nga anak.
Dinhe na niya gibadlong ang iyang amahan apan imbes muhunong nanumbag na hinoon kini sa pultahan.
Migawas ang anak kinsa nakakita og kutsilyo nga maoy gigamit niya pagluba sa likod sa iyang amahan.
Nadungog niini nga nagpakilooy ang iyang nga basin mapatay siya ug dinhi na sliya mi-undang pagluba niini ug daling gidala sa Caraga Regional Hospital, Surigao City ang amahan samtang mitahan siya sa kapulisan.
Gi-angkon sa anak nga nadala lang siya sa iyang kasuko.
