BUTUAN CITY – Dili na bugas ang nakita nga problema sa pagsaka sa inflation sa Pilipinas kondili ang ang kapaspas matud pa sa pagsaka sa presyo sa mga produktong mais.
Kini ang gikataho ni House Ways and Means Chairman ug Albay Representative Joey Salceda nunot sa subling pagsaka sa inflation sa nasod ning bulan sa Hulyo kansa ning-igo pa sa 4.4%.
Sumala ni Salceda nga nahuman na ang problema sa bugas ug padayon nang ning-ubos ang presyo niini tungod na usab sa nagkadaghan ang mga stock sa bugas nga moabot sa nasud gikan sa India ug Vietnam. Sumala sa opisyal nga kinahanglan matud pa nga ang produkto sa mgais ang kinahanglan nga bantayan karon tungod sa momentum sa presyo niini.
Una nang gipahibawo ni Agriculture Secretary Francisco Tiu-Laurel nga ila nang gimonitor ang presyo sa mais ug ninghimo na usab sila og intervention aron dili na mosaka ang presyo. Dugang ni Salceda nga nasuta nga ang presyo sa mais ang hinungdan sa pagsaka ngadto sa 5.8 porsyento nga month-on-month inflation.
