BUTUAN CITY – Sa pinakaunang higayon, magkuyog na ang Pilipinas ingon mna ang nasod nga Vietnam sa paghimo og Joint Drill sa West Philippine Sea ignon mna sa Manila Bay, ning nakalabay nga adlaw lang, ningdangat na sa Pilipinas ang barko sa Vietnam Coast Guard nga mao ang CSB 8002 kansa mainiton usab nga gidawat sa Pilipinas.
Kahibaloan nga ang maong barko, dunay sakay nga kinatibuk-ang 80 ka mga personahe nga mo salmot sa joint drill. Himoon sa duha ka nasod ang maong joint drill taliwala pa man sa isyu nga gikaatubang niini sa West Philippine Sea may kalabutan na sa tagsa-tagsa ka mga gi-angkon niini nga mga maritime features.
Sumala pa ni Philippine Coast Guard Spokesperson Rear Admiral Armand Balilo nga importante matud pa ang partnership sa duha ka nasod tungod kay nagpakita kini nga mamahimong magkasinabot ang duha ka panig taliwala pa man sa maritime dispute.
Tungod usab matud pa sa maong kalihukan, mamahimong mamugna ang mas lig-ong relasyon taliwala sa duha ka nasod.
Dugang sa maong opisyal nga dili aron mapakita ang kusog sa duha ka nasod ang tumong sa pagbisita sa Vietnam nganhi sa Pilipinas kundili alang sa kagustuhang magkuyog sa mga training exercises. Alayon niini, gidugang sa maong opisyal nga wala kini kalabutan sa kasamtangan nga sitwasyon sa West Philippine Sea.
Ang pamahayag ni Philippine Coast Guard Spokesperson Rear Admiral Armand Balilo.
