BUTUAN CITY – Giawhag sa Land Transportation Franchising and Regulatory Board kon LTFRB nga ihunong na sa Senado ang pagpostpone sa Public Utility Vehicle modernization program sa pangamhanan.
Kini human nagpagawas og resolution ang Senado nga gipermahan sa 22 ka mga Senador nga e suspende una ang maong programa.
Nagsumikad ang maong panawagan sa Senado human nagtoo si Senate President Sentor Francis Escudero nga mayorya sa Senado ang pabor nga ihunong una ang maong programa taman sa dili pa matubag ang mga pangutana, mga problema ingon man ang mga pangutanang may kalabutan sa pinansyal mahitungod sa maong modernisasyon.
Sumala ni LTFRB Chairman Teofilo Guadiz III nga ilang gikasubo ang maong desisyon sa Senado.
Dugang niini nga bisan pa man kung ilang gi respeto ang maong lakang, nagtoo gihapon silang dili kini angayan nga desisyon.
Kahinumdumang gimando sa maong programa sa panggamhanan nga kinahanglang matag individual operators kay magconsolidate og mosulod sa usa ka kooperatiba, kansa hugot usab nga gibabagan sa mga grupong MANIBELA ingon man PISTON.
Sigon ni Mar Valbuena, Chairman sa Piston nga dili sila babag sa Modernisasyon, apan babag matud pa sila sa consolidation ingon man sa pagpalit og mga mahal nga mga gamit nga gikan sa China. Gusto usab sa maong opisyal nga mabalik ang lima ka tuig nga validity sa ilang prangkisa.
