BUTUAN CITY – Gipanghimakak ni Philippine National Police Chief Police General Romel Francisco Marbil ang taho nga political pressure matud pa ang anaa sa likod sa pagtanggal sa mga kapulisan nga nagbantay ni Vice President Sara Duterte.
Sumala sa Hepe sa kapulisan sa pagdungog sa committee on dangerous drugs kagahapong adlawa nga dili lamang matud pa ang mga police details ni VP Sara ang gibawi kundli lakip matud pa ang mga classmates niini nga mga mga General ug mga Opisyal, dugang niini nga wala matud pa silay nakita nga hulga sa kinabuhi ni Vice President Sara Duterte.
Sa pangutana usab ni kanhi Philippine National Police ug kasamtangang Senador nga si Bato Dela Rosa kung wala bay nakita ang kapulisan nga hulga sa kinabuhi sa Bise Presidente taliwala pa man sa dayag niining pagbabag sa Communist Party of the Philippines New People’s Army kon CPP-NPA, gikabutyag sa kasamtangang hepe nga anaa na matud pa sa Presidential Security Command ang swguridad ni Vice President Sara Duterte.
Ang pamahayag ni PNP Chief Marbil.
Alayon niini ningsaad usab si Marbil nga ibalik ra ang mga police detail ni Vice President Sara Duterte.
Kahinumduman nga 31 nalang kabook ang nabilin nga mga security detail ni Vice President Sara, kansang dili niini pamilyar ang tanan.
