Hideout sa mga kawatan sa Butuan City, natud-an sa usa sa ilang mga nabiktimang tag-iya og tindahan

BUTUAN CITY – Balik-balik pagpangayo og pasaylo ang usa ka gidudahang kawatan ug gidudahang usa sa mga responsable sa sunod-sunod nga pagpanglungkab sa mga tindahan ug balay sa may Brgy. Tandang Sora ning siyudad sa Butuan.

Kini human gipangunayan mismo sa usa sa ilang mga nabiktima ang pagpani-id ug pagsuta sa ilang haybutanan nga natud-an luyo sa karaang mall ning siyudad.

Nakita sa ilang tagu-anan ang ubay-ubay nga mga bags nga gitu-uhang ilang gipangkawat kansa sunod-sunod nga natigayon ning mi-agi pang semana.

Patay-limod ang na-abtan nga lalaki dayong butyag nga igo lang matud pa kining gibilin sa iyang nahimutangan.