BUTUAN CITY – Gipadayag ni United States secretary of state Antony Blinken nga duna’y sobra kaayong ebidensya nga magpakita nga ang oposisyon maoy midaog sa presidential election.
Sigon ni Antony Blinken, klaro nga si Edmundo González ang midaug sa hagpatay sa mga balota bisan pa man og mideklara na og kada-ugan si incumbent president Nicolás Maduro.
Ang pagpanginlabot ni Blinken natigayon samtang nanawagan ang mga presidente sa Brazil, Mexico ug Colombia ngadto sa Venezuela nga ipagawas ang kinatibuk-ang detalye sa eleksyon.
Madumdumang niadtong Dominggo, gi-anunsyo sa electoral council kansa kontrolado sa gobyerno nga si President Maduro ang midaog sa eleksyon alang sa ikatulo niining termino.
Apan dali kining gilalis sa oposisyon nga duna’y access ngadto sa majority sa receipts gikan sa mga electronic voting machines sa tibuok nasud, dayong butyag nga sayop ang deklarasyon.
Nasayrang ang oposisyon duna’y kaugalingong vote tally kansa nagpakita nga midaog sila sa eleksyon pinaagi sa dako nga labaw.
