BUTUAN CITY – Gilusad na sa Department of Social Welfare and Development kon DSWD-Caraga ang pinaka-una niining libro mahitungod sa nagkada-iyang naratibo sa mga centenarians sa rehiyon, kon kadtung mga tigulang nga nag-edad ug usa-gatos anyos pataas.
Sumala sa awtor sa maong libro nga nag-ulohang “Gatos: Caraga’s Faces of 100” nga si Ann Mae Monique Jongko, Information Officer sa Protective Services Division sa nahisgutang ahensya, inspirasyon niya ang lawom nga istorya sa mga Centenarians, ilabi na kung giunsa nila pag-abot sa maong pangidaron.
Sumala niini nga kinahanglan matud pa;ng mapatik ang maong mga sugilanon arun kakuhaan usab og mga pagtulon-an sa kinabuhi.
Gipaningkamotan usab niini nga ang indibidwal nga mga hulagway sa nasangpit nga mga tigulang kay mapublisar aron mapakita sa publiko ang talagsaon nilang kaagi isip mga centenarians.
Unod sa maong libro ang sugilanon sa 25 ka mga tigulang ning rehiyon – lima sa matag probinsya- nga nag edad og 100-anyos pataas.
Suma pa ni Jongko nga dili tiaw ang mga emosyon nga iyang gisunop samtang gisulat niini ang maong libro, sanglit taliwala pa man sa kasadya sa mga nagpalibot sa ubang mga tigulang tungod sa ilang nakab-ot nga pangidaron, dili matud pa malikayang duna gayuy mobutyag nga gikapoy na sila.
Apan bisan pa man niini, malipayon gihapon ang ahensya sa pagpaambit sa maong libro sa publiko, diin usa sa ilang gustong ipaabot nga wala nanginahanglan ang mga katigulangan og salapi, kundili kadtong bug-os nga mu-unong kanila, ilabi na sa ilang pangidaron.
“ANG GUSTO LANG GYUD NILA, [KAY] MAESTORYA SILA; MATAGAAN SILA’G ATENSYON; MAPAMINAW[AN] SILA; MANGATAWA SILA, MAO RA GYUD ILAHANG GUSTO.”
Ann Mae Monique Jongko, nagsulat sa “Gatos: Caraga’s Faces of 100”
Sa kasamtangan, nakahatag na og kopya sa maong libro ang buhatan ngadto sa mga Local Government Unit (LGU) ning rehiyon.
Alayon niini, giklaro usab sa nasangpit nga opisyal nga ang maong libro, pamatuod lamang nga nadawat na sa mga centenarians ning rehiyon ang cash gift nga gitagana alang kanila, diin nagkantidad usab og sien-mil peosos.
