BUTUAN CITY – Patay ang usa ka maguuma nga si Renante Velos, human kini gibanhigan sa wala pa mailang mga suspetsado. Kauban sa nasangpit nga biktima ang asawa niini nga si Dalia Velos, kansa sa pagkutlo ning balita, anaa pa sa balay tambalanan.
Nahitabo ang maong pagpamusil bandang alas 12 ang takna sa udto kagahapog adlawa, Hulyo 27 sa may Purok 3, Sumilihon, ning dakbayan sa Butuan, kahibaloan nga gikan pa sa ilahang uma sa Barangay Los Angeles ang magtaiyon.
Sumala sa Kapitan sa Barangay Sumilihon, kansa uyuan ra usab sa biktima nga yano lamang nga mag-uuma ang magtiayon, saysay niini nga gikan matud pa ang duha sa ilahang uma sa Barangay Las Nieves ning syudad sa Butuan, diin kaabag sa lalaki ang asawa niini pinaagi sa pagtabang-tabang kaniya og harvest sa ilang mga tinanom.
Sumala sa kapitna nga wala siyay nasayran nga kaaway sa duha, apan kung duna man ganing matud pay salaod ang mga biktima, mamahimo raman matud pang estoryahan na lamang kini ug wala na paabta pa sa punto nga dunay makabsan sa kinabuhi.
