BUTUAN CITY – Gikumpirma ni Commodore Roy Vincent Trinidad, tigpamaba sa Philippine Navy for the West Philippine Sea nga wala gihapon niminus ang mga kalihukan sa China sa West Philippine Sea Kini taliwala pa man sa bag-ohay lang nasabutang pagwagtang sa tensyon tali sa China ug sa Pilipinas.
Sumala sa opisyal, base sa gidaghanon sa mga barko sa China nga anaa sa West Philippine Sea, namatikdan ang gamay lang nga pagkunhod sa gidaghanon kung itandi sa mi-aging mga bulan.
Saad ni Trinidad, pabiling barugan sa Pilipinas nga dili tubag ang kagubot sa nasangpit nga isyu.
Ipadayon gihapon nila ang ilang Rotational and Resupply Mission, maritime air surveillance flights ug pagmintinar sa integridad sa nasudnong teritoryo sa West Philippine Sea.
Sigon pa ni Trinidad, nakabase matud pa sa rules of engagement ug international law ang tanang aksyon sa Pilipinas, kansa sukwahi sa aksyon sa Chinese Communist Party.
