BUTUAN CITY – Napabilin sa National Capital Region (NCR) ang championship status niini sa bag-o lang nahuman nga Palarong Pambansa 2024.
Kini human nasakmit sa maong rehiyon ang kinatibuk-ang 238 ka mga medalya alang sa tanang mga dula.
Sa maong ihap, 98 niini ang gold medals, 66 ang silver ug 74 ang bronze.
Nagsunod usab sa NCR ang Region IV-A o Calabarzon nga adunay 57 ka bulawan, 41 ka mga silvers ug 53 ka bronze, diin ning suma sa 161 ka medalya. Ikatulo usab ang Rehiyon VI o Western Visayas nga adunay 56 ka bulawan, 41 ka plata ug 41 ka bronze alang sa kinatibu-ang 138. Ika-upat usab ang Davao Region ug ikalima ang host region nga Central Visayas.
Personal usab nga nitambong si Bise Presidente ug outgoing Education Sec. Sara Duterte alang sa closing ceremony ug mihatag usab sa iyahang pamulong ingon man game nga naki-selfie samtang anaa sa Venue.
