BUTUAN CITY – Tumang pagmaya ang gibati sa mga opisyal sa Agusan del Sur nga nanalmot sa closing ceremony sa Palarong Pambansa sa dakbayan sa Cebu kagahapong adlawa human sa kulba-hinam nga announcement sa mosunod nga host sa Palarong Pambansa 2026 Mindanao Edition.
Kini human nga napili ang maong probinsya nga mo host sa nasangpit nga usa sa pinakadakong kalihukan sa Pilipinas, ilabi na sa mga kabatan-oanan.
Lakip sa mga opisyal sa pangamhanan nga nagsadya atul sa maong anunsyo sila si Gov. Santiago Cane Jr, Vice Gov. Sammy Tortor, Cong. Eddiebong Plaza ignon man si Cong. Alfel Bascug.
Ang maong anunsyo nahitabo huaman usab sa anunsyo nga himoon matud pa sa Ilocos Norte ang nasangpit nga pasundayag karong sunod tuig nga Palarong Pambansa.
Ang maong palaro himoon sa state-of-the-art D. O. Plaza Sports Complex sa Agusan del Sur.
Kahinumdumang ning Pebrero pa lamang ning tuiga nakig tigi ang nasangpit nga probinsya alang sa bidding sa mga gustong mo host sa Palarong Pambansa, diin nakalaban niini ang probinsya sa Misamis Occidental ug Zamboanga City kansa may kasinatian na sa pag host sa nasangpit nga kalihukan.
