BUTUAN CITY – Walay kamatuoran nga sa ‘farm’ nagdako si Suspended Mayor Alice Guo, ingon man dili usab tinood nga gi homeschooled lang kini ni teacher Rubilyn. Kini ang gikabutyag ni Senator Win Gatchalian atul sa pagpadayon sa pagdungog sa Senado mahitungod sa gi raid nga POGO Hub sa Bamban, Tarlac, kansa si Alice Guo ang Mayora.
Sumala ni Sen. Gatchalian nga base s ailahang mga nakalap nga ebedensya, nakaeskwela matud pa si Alice Guo sa Grace Christian High School alang sa Grades 1, 2, ug 3. niini niadtung Year 2000 ngadto sa 2003. Nahimutang ang nasangpit nga eskwelahan sa Quezon City, taliwas sa gikathao ni Mayor Alice nga sa ‘farm’ lang siya nag dako.
Sumala usab sa dokumento nga gihuptan sa Seandor, dili matud pa si Amelia Leal Guo ang inahan ni Alice Guo, kundili si Wen Yi Lin, ingon man si Guo Hua Ping matud pa ang naka enroll sa maong eskwelahan, kansa kaparehas og fingerprint ni Mayor Alice.
Sigon sa Senador nga nasayran matud pa ang maong mga ebedensya tungod kay duna matud pay nakalakip nga birth certificate ang nasangpit nga enrollment document nga ilahang gihawriran. Sigon usab sa maong birth certificate, kansa naka sulat pa sa pinulungan nga Chinese apan naka translate sa English, amahan matud pa ni Guo Hua Ping si Guo Jian Zhong
Gawas niini, sama ra matud pa ang maong Alien Certificate of Registration nga gi submitar ni Guo, sa birth certificate usab nga gihawiran sa National Bureau of Investigation kon NBI.
Alayon niini, gikataho ni Assistant Solicitor General James Lee Cundangan nga ikunsidera nila ang maong mga dokumento sa ilahang deliberasyon sa pagfile og qou warranto case batok kang Mayor Alice.
