BUTUAN CITY – Gipanganlan na ni Philippine Amusement and Gaming Corporation (Pagcor) Chairman Alejandro Tengco ang kanhing cabinet official ng ningtabang arun mahatagag lisensya ang Philippine Offshore Gaming Operators (POGO) nga gisikop sa mga otoridad.
Sumala ni Tengco atul sa pagdungog sa Senate Committee on Women and Children, si kanhing Presidential Spokesperson Harry Roque matud pa ang ning tabang sa mga POGO hub nga Lucky South 99 sa Porac, Pampanga kansa na-raid sa mga otoridad.
Sigon ni Tengco nga niadtung Hulyo, 2023 nakadawat ang Pagcor ug tawag gikan kang Roque ug nangayo matud pa kini og appointment kaniya.
Ningduaw matud pa sa iyahang opisina si Roque niadtung Hulyo 26 sa susamang tuig, kauban si Katherine Cassandra Ong, nga maoy authorized representative sa Lucky South 99.
Sigon ni Tengco, kauban matud pa niyang nakighinabi kang Atty Roque si Atty. Jessa Fernandez kansa maoy nanguloo sa Gaming and Licensing Division sa Pagcor.
Ninghangyo matud pa si Roque nga tabangan si Ong tungod kay duna matyd pay arrears o utang ang kompaniya nga $500,000 tungod kay gi-ilad matud pa sila ni Dennis Cunanan, diin wala gibayad sa Pagcor ang alang untana sa gaming fees ug uban pang additional fees.
Si Cunanan matud pa ang nag-facilitate sa mga dokumento sa licensee nga Lucky South 99 ug si Cunanan usab ang opisyal nga representante sa maong POGO hub kansa nakarehistro sa Pagcor, rason nga dali ra silang ningtuo niini.
Sigon usab ni Fernandez sa nasangpit nga panagpulong nga ka-unom siya nakig konektar kang Roque para sundan ang application sa lisensya sa lucky south 99.
Pagklaro nila Tengco ug Fernandez nga wala sila pugsa ni Roque nga ihatag ang lisensya sa maong POGO firm.
Sigon ni Tengco nga si Roque matud pa ang gipanganlang head sa legal department sa Lucky South 99 subay sa organizational chart sa POGO firm alang sa subli nilang pagapply og lisensya.
Matod ni Fernandez nga gibasura ang aplikasyon sa lisensya sa Lucky South 99 tungod kay nakakita sila og rason nga dili kini ihatag.
Nagpagawas usab si Roque og pamahayag kansa gipanghimaka niini nga siya ang nag-lobby sa ilegal nga POGO hub.
Gihimakak usab niini nga iyahang kliyente ang Lucky South 99 nga giraid sa mga otoridad.
Kahinumduamng gikabutyag ni Tengco nga usa matud pa ka gabinete ang nag tabang kanila aron mahatagan og lisensya ang illegal nga POGO.
