BUTUAN CITY – Padayon ang pagpaningkamot sa mga kasundalohan nga mapuhag na ang mga Communist Terrorist Group (CTG) sa Caraga Region. Kini ang gipasabot ni Capt. Junel Castillo,a ng tigpamaba sa 901ST Brigade.
Sigon sa maong opisyal nga gitinguha karon sa mga kasundalohan ning rehiyon nga ilaha nang mapuhag ang mga rebeldeng grupo karong tuiga, busa panawagan niini sa mga nagpadayon pa sa nasangpit nga kalihukan, mo surrender na samtang duna pay panahon arun nga malikayan pa ang bisan unsa mang disgrasya.
Sigon niini nga dili matud pa mabalaka kung mosurrender na ang mga niini tungod kay daghan matud pa kaayo og benipisyo ang gihatag sa gobyerno alang niadtung mo balik sa sabakan sa pangamhanan.
Ang maong tahogihimo human nga nakaengkwentro sa mga kasundalohan sa 30th Infantry Battalion ug 29th Infantry Battalion, ilawom sa operasyon sa 901st Infantry Brigade, Philippine Army, ang unom ka mga membro sa walhong grupo niadtung Hulyo 5, sa may Barangay Hinimbangan, Kitcharao, Agusan del Norte kansa ning resulta sa pagkakuha sa duha ka mga armas.
Nasuta nga ang maong mga rebelde, kay mga membro sa SRSDG Westland, NEMRC nga gipangulohan ni Ricky M. Per alias “Rem”.
Matud ni Brigadier General Arsenio Sadural, Commander sa 901st Brigade nga ginahulga matud pa sa nasnagpit nga grupo ang mga lumolupyo sa maong bukirang bahin sa nasangpit nga lugar.
