BUTUAN CITY – Mas nag level-up pa ang partnership tali sa Pilipinas ug Japan human nga gipermahan na ang Reciprocal Access Agreement (RAA) kagahapong adlawa sa Palasyo Malakanyang kansa personal nga gisaksihan ni Pangulong Ferdinand Marcos Jr.
Sumala ni Defense Secretary Gilberto Teodoro nga ang pagperma sa Reciprocal Access Agreement (RAA) kay nagsilbing milestone alang sa mga lakang arun masiguro ang rules-based international order ug mamentina ang kalinaw ingon man stability sa Indo-Pacific Region.
Sumala ni Teodoro nga gawas sa gipakusgang ekonomiya ug komersyo sa duha ka nasod, nidugang pa niini ang dimensyon sa aspetong seguridad alang sa mas-gipakusgan pang bilateral relations sa duha ka nasod. Dugang ni Teodoro nga ang maong holistic dimension kay makadugang sa multilateral efforts sa gobyerno sa Japan ug Pilipinas arun masiguro ug marespito usab ang rule of international law.
Nagtuo usab si Teodoro nga ang gipakusgang relasyon sa Pilipinas at Japan kay moresulta sa confidence building measures tali sa Japanese Self-Defense Forces ug Armed Forces of the Philippines.
Lauman usab matud pa nga mas mapakusgan pa ang mga military exercises sa maong mga nasod, ilabi na karong napirmahan na ang Reciprocal Access Agreement.
