BUTUAN CITY – Nanawagan ang Department of Education kon DepEd-Butuan City sa mga ginikanan sa mga estudyante ning syudad ilabina sa pampublikong tunghaan nga musalmot sa Brigada Eskwela isip pagpangandam sa umaabot nga abli sa school year.
Sumala ni DepEd-Butuan City Assistant Schools Division Superintendent Leonevee Silvosa, magsugod ang Brigada Eskwela karong Hulyo 22 hangtod 27, samtang opisyal usab nga ablihan ang klase sa Hulyo 29, 2024.
Sigon ni Silvosa nga dili lang pagpanglimpiyo ang kinahanglang buhaton sa Brigada Eswela, kon dili lakip na ang pag-ayo sa mga classrooms alang sa mga tinun-an. Sumala niini nga dako og ikatabang ang mga ginikanan nga dunay katakos sa pagpintal uban pa.
Dugang niini nga tutokan sa DepEd Butuan City Division ang feeding program karong umalabot nga tingklase alang sa mga undernourished school children sulod sa unang kwarentay singko (45) ka adlaw.
