BUTUAN CITY – Nagmalampuson ang pinakaunang voters registration ingon man Automated Counting Machine (ACM) demonstration sa Bongao, Tawi-Tawi kansa gihimo sa sa Commission on Election.
Gihimo sa Commission on Elections (Comelec) ang maong demonstrasyon arun masulayan ang mga bag-ong makina para sa 2025 midterm elections.
Nasuta nga walay problema ang pagpadala sa mga Election Returns kon (ERs) ug mga logs gikan sa maong lugar, paingon sa Consolidated Canvassing System (CCS) ug mga Servers.
Gipangulohan ang maong kalihukan ni Comelec Chairman George Erwin Garcia ug mga opisyal sa komisyon alang sa Voter Education Seminar demo sa ACM isip kabahin sa daghan pang pagpangandam alang sa 2025 National and Local Elections (NLE) ug ingon man sa Bangsamoro Parliamentary Elections (BPE).
Tumong sa buhatan nga masuta kung mogana ba ang maong mga Automated Counting Machine (ACM) ingon man ang transmission system niini bisan kon anaa sa hilit nga lugar sama sa Tawi-Tawi.
