BUTUAN CITY – Personal nga nasaksihan sa Pinay nga nakabase sa France ang Torch Relay sa 2024 Paris Olympics, sa syudad nga nahimutangan niini nga Verdun.
Saysay ni Bombo International Correspondent Catherine Casteran, sa pakighinabi sa Bombo Radyo Butuan niini nga gipili matud pa sa Organizing committee sa Paris Olympics nga usa ang ilahang syudad sa Verdun ang maagihan sa torch relay sa nasangpit nga padula, tungod kay dinhi man nahitabo ang halos usa ka tuig nga gyera sa France batok sa Germany niadtung 1916.
Naila usab ang ilahang syudad isip Battlefield of Verdun tungod sa maong reputasyon.
Asuy ni Cathy nga bisan kon 2 hours away ra siya sa Paris, mabati gihapon niini ang tumang pagpangandam sa France alang sa Olympics.
Lakip sa napansin niini mao nga nag-anam na usab og kadaghan ang turista sa ilahang lugar, kini alayon na usba sa nagkaduon na nga Paris Olympics.
