BUTUAN CITY – Ningpasaka na og reklamong plunder si kanhi Senador Antonio Trillanes IV sa Department of Justice (DOJ) batuk nila kanhi Pangulong Rodrigo Duterte ug Senador Bong Go kagahapon sa hapon.
Ang maong reklamo, may kalambigitan matud pa sa proyekto sa nakalabay’ng administrasyon.
Partikular niini ang P6.6 billion pesos nga kantidad sa government projects ang gi-award sa amahan ug igsoon ni Bong Go ilawom sa administrasyong Duterte. Sigon ni Trillanes, makita sa maong kaso ang tanang elemento sa plunder.
Gipanghimakak usab ni Senador Bong Go ang alegasyon nga gibuno ngadto kaniya ingon man sa iyang pamilya tungod kay wala matukd pa nakapahimulos ang iyahang pamilya o mga parente sa mga kontrata sa panggamhanan.
Dugang ni Go, wala pa lamang siya gipanganak, duna nay negosyo ang iyahang amahan.
Alayon niini, bisan kon wala pa nakita ni Go ang kaso nga gipasaka batok kaniya, nagpasalamat na kini aron nga mogawas na gayud matud pa ang kamatuoran og malimpyo na ang pangalan sa iyahang pamilya.
