BUTUAN CITY – Ningsamot na og kadaghan ang mga tawo sa Paris, France ilabina karon nga nagkaduol ang Olympics 2024 nga himoon sa karong Hulyo 26.
Sigon ni Bombo International Correspondent Marilou Custodio, direkta gikan sa Paris, busy ang mga trains ug bus ug uban pang mga mode of transportations sa ilang luga tungod sa nangabot nga mga atleta gikan sa nagkalain-laing nasod sa kalibutan apil na ang mga turista.
Gibutyag ni Custodio nga niadto pang Hunyo 22 naka-abot ang ubang mga atletang Pilipino sa maong nasod, kansa gihatagan og hugot nga suporta sa mga Overseas Filipino Workers (OFWs).
Gani, gibisita na sa uabng mga sakop sa Filipino Community ingon man sa mgaf personahe sa Philippine Embassy ang mga delegado sa Pilipinas nga atua karon sa Metz, France.
Saad usab sa mga Pinoy sa maong nasod nga andam silang musuporta ug mutabang sa kinahanglanon sa mga atletang Pilipino, kansa padayong nagbansay alang sa umalabot nilang dula.
