BUTUAN CITY – 20 ka tuig nang gigamit sa usa ka tiguwang sa Xiangyang, Hubei province isip pang dok-dok og lansang, pangbuak sa mga nuts, ug usahay pang lata sa mga sili ang nakita niini sa iyahang uma nga metal lump kansa dunay kahoy nga handle.
Ang maong metal lump, nasuta sa mga kapulisan nga usa diay ka granada.
Kini human nanawag ang gilayon demolition team – kansa naka toka nga moguba unta sa balay ni Lola Qin – sa mga kapulisan nga duna matud pa silay nakitang granada sa balay sa maong tiguwang.
Saysay ni Qin nga wa gayud siyay alamag nga granada diay ang 20 ka tuig na niyang ginagamit isip pang dokdok sa bisan unsa mang mahunahunaan niining dokdokon.
Sigon sa mga kapulisan nga giguba na nila ang nasangpit nga granada. Alayon niini, swerte lamang gayud matud pa si Lola Qin tungod kay kung nabunlot pa sa maong tiguwang ang fuse sa iyahang ‘martilyo’, impas gayud ang kinabuhi niini.
Gikumperma usab sa mga otoridad nga ang maong granada kay naila nga Chinese Type 67, ug nakita usab sa mga niini nga tinood gayung gamit-nga-gamit na gyud ang maong granada tungod kay hamis na kaayo ang kilid niini, samtang duna na usab kini mga dents tungod sa mga lansang 20 ka tuig nang gidokdok.
Komento sa ubang netizens, duna sab diay prinsipyo ang granada, nga dili kini mobuto sa mga buotan og inosenteng tawo, sama ni Lola Quin.
