BUTUAN CITY – Gikumpirma ni Marife Ramirez, asawa ni Maximo Ramirez, ang mitigbas-patay sa iyang uyuang si Pablo Roca, purok president sa Purok 5-C, Sitio Kalubihan, Brgy. Antongalon ning siyudad sa Butuan nga grabe kaseloso sa iyang bana.
Gani nagkabangi ang duha tungod sa pagpanelos niini ngadto sa biktima nga ma-utingkay matud pa higayong mahubog ang iyang bana. Madumdumang wala na binli pa og kinabuhi ni Ramirez ang iyang uyuan dihang gipagawas kini sulod sa ilang balay human matud pa naginggit-singgit dihang wala niini pasigaa ang street light nga anaa sa kalsada tungod lang sa ilang pinuy-anan.
Sa eksklusibong pakighinabi sa Bombo Radyo Butuan, gibutyag sa ginang nga blangko siya sa nahitabo tungod kay nagtrabaho siya dihang natigayon ang kremin. Posible matud pang nalikayan ang pagkatukar sa kaputong sa iyang bana kung anaa pa lang sa ilang balay niadtong tungura ang ilang kinamaguwangang anak.
Una nang gisaysay sa responsable sa pakighinabi ning sibyahan nga napukaw ang iyang kasuko ngadto sa iyang uyuan human siya gikasab-an tungod sa wala lang niya pagpasiga sa suga sa poste diha sa dalan dool sa ilang balay. Depensa pa niini, wala siya mahibalong duna diay kini bag-ong bombilya nga gitaod.
Gihagit matud pa siya sa biktima nga pagawason sa ilang balay, nga niadtong higayona nagbitbit na ug bato. Dinhe na siya migawas sa balay nga dunay dala nga sundang og gitigbas ang biktima. Aminado ang responsable nga nagbasol siya sa iyang nabuhat dayung butyag nga atubangon niya ang silot nga ipahamtang ngadto kaniya.
