BUTUAN CITY – Gibasura na sa Muntinlupa Regional Trial Court (RTC)-Branch 206 ang katapusang drug case nga giatubang ni kanhi Sen. Leila de Lima.
Kini human gitugutan ang kampo sa kanhing mambabalaod sa hangyo niini nga demurrer to evidence.
Sumala ni Atty. Boni Tacardon, abogado ni De Lima, epektibo matud pa nga dalan sa pagpalingkawas sa kanhing Senadora ang ang paghatag sa hukmanan kanila sa demurrer to evidence.
Unang naghaona ang kampo og 52 kapalid nga mosyon kung diin ilang gipangayo sa Muntinlupa Regional Trial Court (RTC)-Branch 206 nga ipalingkawas na si De Lima tungod kay wala matud pa mapamatud-i sa prosecution nga sad-an kini, dugang pa nga halos tanang importante nga mga ebidensya sa prosecution kay gipresenta na sa bail hearing niini.
Sumala sa nasangpit nga abogado nga kalro matud pa nga dili igo ang maong mga ebidensya sa pagpamatuod nga sad-an si De Lima.
Sa kasamtangan, gawasnon na ang kanhi Senadora sa tanang tulo ka mga kaso niini nga gipasaka kaniya sa Department of Justice niadtung tuig 2017.
Ang maong mga kaso may kalambigitan sa “conspiracy to commit illegal drug trading” nga gihaon batok kaniya sa Duterte administration.
