BUTUAN CITY – Gipasidunggan ni President Ferdinand Marcos Jr. si Seaman First Class Jeffrey Facundo, ang naputlan og tudlo atol sa agresibong aksyon sa China Coast Guard ngadto sa armadong kusog sa Pilipinas niadtung nakalabayng Hunyo 17 atul sa Resupply Mission niini sa BRP Sierra Madre, lakip sa gipasidinggan ni Presidente Marcos ang 80 ka mga sundalo nga kauban ni FC Facundo.
Gihatagan sa Presidente ang nahisgutan nag indibidwal og Order of Lapu-Lapu Rank of Kampilan, samtang Order of Lapu-Lapu Kamagi usab nga medalya ang nadawat sa laing 79 pa ka mga sundalo.
Kahinumduman nga naputlan sa iyahang wala nga kumagko si Facundo ug nasamdan usab ang uban niining mga kaubanan gumikan sa gibuhat sa China Coast Guard nga pagpangharas diin gipanghilabtan pa sa mga niini ang widescreen, communications, ug navigation equipment sa rigid hull inflatable boat sa Pilipinas kaniadtong nakalabay nga mga adlaw.
Alayon niini, gihagit usab ni Presidente Marcos ang nahisgutan mga kasundalohan nga dili magpalupig sa bisan kinsa man ,dugang niini nga proud matud pa siya kaayo sa mga kasundalohan sa Pilipinas sa ilahang gihimo sa West Philippine Sea.
