BUTUAN CITY – Andam na ang National Bureau of Investigation (NBI) nga i-serve ang subpoena alang kang Art Samaniego, ang tech editor sa Manila Bulletin, kansa gitudlong nagmando sa pag-panghack sa mga pribadong kompanya ug website sa gobyerno.
Sumala ni NBI deputy spokesperson Sean Michael Dangilan, ang maong subpoena kay base sa extrajudicial confession sa nadakpan nga suspek nga usa ka IT officer sa nasangpit nga media outlet, kinsa ning-angkon nga sila ang responsable sa pagpanghack SA mga website ubos sa mando IT Head ug Editor nga si Samaniego.
Kahinumdumang niadtung biernes, sikop sa mga awtoridad ang nasangpit nga IT officer uban sa laing duha pa ka indibidwal nga mga cyber security researcher sa usa ka kompanya sa BGC ug kasamtangan nga graduating students, tungod sa dili otorisadong pag sulod niini sa mga website sa militar, National Security Council, ug pipila ka mga bangko.
Sumala sa usa sa mga suspek nga gisugo matud pa sila ni Smaniego sa pagsulod sa mga website sa gobyerno, para duna kini preskong magamit sa iyahang columns, news articles, ug social media platforms.
Sumala usab ni Dangilan nga ang maong subpoena, arun lang madungog ang habig ni Samaniego kansa una nang gipanghimakak ang maong mga pasangil.
